Posts

Featured Post

Serchhip a Scooty leh Truck insu ah mi pakhat boral

Image
  Zanin ni 5.11.2026 zan dar 8:00pm vel khan Serchhip Bilzel veng ah Balu phur truck leh Scooty insu avangin Scooty khalhtu Ramtharnghaka (44) Leisang Veng Serchhip chu a boral. Thu dawnna in a sawi dan in Balu phur Truck hi Hnahthial lam motor New Serchhip a Balu dah tur niin, hmar lam atanga rawn tlan Scooty khalhtu hian a va su a, truck body ah a lu a va intauh niin hriat a ni a Serchhip Damdawiin panpui niin a nunna chhan hman a ni ta lo a ni. Vanduaina tawk Ramtharnghaka hi a nu, a nutei leh a unaupa bakah a fapa nena khawsa an ni. He chetsualna ah hian Serchhip Police te chuan thil tul leh bawhzui ngai te bawhzui in naktuk hian postmortem tura ruahmanna kalpui a ni.

*PAVALAI INTAWHKHAWM VAWI 7-NA A TIAK TA*

Image
 October ni 16th - 18th, 2026 chhunga Serchhip Leisekawt Field a Rampum Huap Kohhran Pavalai Pawl Intawh-khawm vawi 7-na neih chu nizan khan an tiak ta. He Intawhkhawm  ah hian Rorel a awm lova, Zirtawp zan, Inrinni nileng (chawhnuah zaikhawmpui), zan, Pathianni nileng leh zan Inkhawm ah Sermon ngaihthlak thin a ni a, Zaipawl a awm thin a, Intawhkhawm thupui ah “Krista sipai huaisen” (2 Tim. 2:3-4) tih niin Synod Revival Committee atang leh Synod hotute atangin Pathian thuchah ngaihthlak thin a ni.  Nizan, a tawp zanah khan Pavalai Pawl Intawhkhawm puala UD&PA Department(DUDO) buatsaih Serchhip Town huamchhunga Village Council Area hrang hrang Fai Intihsiak Result puan a ni a, Pakhatna Serchhip Chanmari Village Council niin Pahnihna Serchhip Vengchung Village Council a ni a, Pathumna Serchhip Kawnpui North Village Council an ni bawk. VC Area Fai Intihsiak hi Serchhip District MJA ten endikin UD & PA Minister Pu K.Sapdanga’n lawmman atan Rs.nuai 1 a rawn thaw...

*RATE TI TO LO TURIN NGEN*

Image
 October ni 16 - 18, 2026 chhunga Serchhip a neih tur Rampum Huap Kohhran Pavalai Pawl Intawhkhawm Vawi 7-na Organising Committee chuan Serchhip Taxi Owners Association, Serchhip Auto Rickshaw Owners Association, Serchhip Two Wheeler Taxi Owners Association te hnenah ngenna siamin Pavalai Intawhkhawm na a lokal Palai te lakah rate pangngai aia sang lo a tlan tur leh hawihhawm taka mikhual te lo dawngsawng a, a tul anga lo tanpui thin turin an ngen.     Rampum Huap Kohhran Pavalai Pawl Intawhkhawm Vawi 7-na Organising Committee hian Serchhip Bazar Welfare Association hnenah pawh ngenna siamin intawhkhawm denchhen a an chawhmeh zawrh te rate pangngai aia sang lo a hralh tur leh hawihhawm taka mikhua/palai te lo dawngsawng turin an ngen a ni.

*14 Assam Rifles cleans Serchhip Bazar*

Image
As part of their ongoing observance of Cleanliness Fortnight - SWACHHATA HI SEVA, the 14 Assam Rifles, which has its Battalion Headquarters in Serchhip, conducted a cleanliness drive in and around Serchhip Bazar this morning, Wednesday, 30th Sept. 2026. They came equipped with dustbins and a garbage collection vehicle and disposed of all the garbage they collected themselves. The people of Serchhip are very grateful to them.

Mizoram Pradesh Congress Committee Serchhip Block hruaitu thar ruat

Image
  Vawiin 19.9.2026 khan Serchhip Block Congress Committee hruaitu thar chu ADCC chuan article    XIIII - 14 -na in a sawi angin 2026-2028 chhung atan Serchhip Block Congress Committee Block hruaitu chu hetiang hian a ruat thar a ni. President - Pu F.Lalzamlova, IOC Veng Vuce President-  Pu F.Lalhmunliana, New Serchhip Pu F.Lalhmangaiha, P&E Veng Pu Lalremruata(Valpuia) Bazar veng Treasurer - Pu T.Malsawmdawngliana, Venglai MCC- Pu Lalrindika Kawlni, New Serchhip

Serchhip District Inter Village Basket ball Tournament ah Thenzawl Jt.VC Team Champion

Image
Serchhip District Basket Ball Association buatsaih Serchhip District Inter Village Tournament chu Zirtawp zan khan final khelh a ni a. Final ah hian Thenzawl Jt. VC team chuan Serchhip Kawnpui North VC Team te 60-50 a hneh in an champion ta a ni. Champion Team Thenzawl Jt VC team hian Rs.20000/- Trophy dawngin, Kawnpui North VC Team hian Rs.10000 leh trophy an dawng a, Team tel zawng zawng te hian participation prize an dawng vek bawk. Serchhip District Intervillage Basket Ball Tournament hi SDBBA leh DLSA tangkawp in ruihhlo dona atan an buatsaih a ni a. Team    17 telin Serchhip khawchhung atangin Team 13 leh Khawpawn atangin team 4 an tel a ni.

Dennis Vanbawih (16) Thenzawl Dilpui ah chesualin a boral

Image
  Vawiin, September ni 1 chawhnu dar 2 bawr vel khan Dennis Vanbawih Thawng, New Siaha West 1 (kum 16) Adventist English Academy School Siaha a pawl 9 zirlai chu Thenzawl Dilpui ah chesual in a boral. Thudawn danin Adventist English Academy School, Siaha a pawl 9 zirlai 35 te chu an zirtirtu te nen Thenzawlah Study Tour neiin Thawhtanni zing khan Thenzawl an thleng a. Vawiin khan AH & Vety Department enkawl mek Dilpui tawh in intihhlimna hrang hrang an neih zawh hnuah zirlai naupang thenkhat te chu Dilah hian an cheng a. Vanduaithlak takin Dennis Vanbawih hi chesual in rei vaklo zawn a nih hnuah lakchhuah niin bawihsawm vat a ni a, damdawiin hnai ber Ayush Hospital rang taka panpui ni mahse chhan theih a ni tawh lo. Adventist English Academy School te hi Bazar Branch YMA Thenzawl chuan Joint YMA Hall-ah anlo mikhual avangin ruang pawh vawiin tlai khan Joint YMA hall-ah thlahna hun an hmang a hemi hnu hian Siaha panpui nghal a ni.