Serchhip Times

  Manager, Bharti GasAgency hnen atanga thu kan dawn dan in. Tahrik ni 29.5.2026 chawhnu dar 1.00 (pm) a Deputy commissioner, Serchhip District kaihhruaia Bharti Gas supply chung changa harsatna awmte sawiho leh hmalak chhunzawm dan tur rel a nih angin ahnuaia tarlan     ang hian Bharti gas consumer ten Gas Cylinder (Bur ruak) an thehluh dan tur ruahmana siam a ni.   Serchhip District chunga bharti Gas Consumer zawng zawngte chu hun leh hmun ruatah hian Gas bur ruak THEHLUT theuh tura ngen leh hriattir an ni. Hun tiam chhunga Gas bur ruak Thehlut lote chu Gas bur ruak Thehlut duh lo va ngaih an ni ang a, Bharti gas agency mawh a phur lovang. Collection point pawh bracket chunga dah zel a ni e. Date : 20/7/2026 ( Monday ) Time : 9:00 Am to 12 :00 pm 1.  Kikawn    Serchhip (Agriculture complex peng) 2.  Bazar veng New serchhip ( Serchhip college peng)  Time : 1:00 pm to 4:00 pm 1.  Venglai New serchhip (mizofed pengah) 2.  I...

  Mizoram sorkarin kum dang ang lo takin Sangha dil nei te hnenah Sangha chi a sem theih hmel loh. Hemi chungchangah hian zanin(15th July 2026) dar 8:30pm khan *Serchhip Times* palaiin a zawhna chhangin Fisheries Minister Pu Lalthansanga (Chatea) chuan kumin(2026) ah subsidy a Sangha chi an sem theih a rin loh thu a sawi.  Fisheries Minister chuan *PMMS hnuaiah kum 2000 atang khan Subsidy in Sangha chi hi sem thin a ni a. Mahse PMMS kha kum 5 chhung atana ruahman a ni a, chu chu nikum khan a zo tawh a, chuvang chuan kuminah Sangha chi kan sem theih hmel loh a ti. Fisheries Minister chuan "PMMS Scheme a tawp tak avangin kuminah Chief Minister Fisheries Mission hmangin Sangha chi sem tumin hma kan la leh mek a, mahse hei hi Union Cabinet approval ngai a ni a, min lo pawmpui a nih pawhin kumin September thla velah kan sem thei chauh vang" a ti.

Ni 14th July, 2026 zing dar 11:00 am  khan Beti Bachao Beti Padhao flagship hnuaia Women & Child Development  Department leh Mizoram Postal Division tangkawp hmalakna, hmeichhe  naupang hmakhua ngaihtuahna, 'Project Thaichhawninu' chu Kawnpui VC Hall ah Serchhip District a kalpui turin Pi Lalthlamuani Rokhum, District Program Officer, Women &Child Development, Serchhip District chuan a hawng. Hawnna thu sawiin Pi Mamuani chuan Hmeichhe naupangte tana hamthatna tur Project Thaichhawninu chu Mizoram puma kalpui turin June ni 16 khan Pi Lalrinpuiin,Social Welfare, Women & Child Development Department changtu Minister chuan alo hawn tawh thu leh Mizoram District 11 chhunga RD Block 27, ICDS huam chhung khaw hrang hrangahte kalpui tura ruahman a nih angin Serchhip District ah Post Office te nen chak taka kalpui tum anih thute a sawiin, he  Project hming ‘Thaichhawninu’ hi Mizo thawnthu pakhat Mauruangi leh Bingtaitukite thawhnthu atanga lak a ni a. Mauruan...

Vawiin 13.7.2026 khan kum 2025 leh kum 2026 chhunga Serchhip Police ten ruihhlo chi hrang hrang an man, tih ral (dispose) theih tawhte hal ralna hun, Serchhip Police Station kawtah hman a ni a. Serchhip District Drugs Disposal Committee Chairman, Pu Gavit Gogna, IPS hovin, he ruihhlo hal ralna hun hi hman niin, ruihhlo cheng 70,70,000/- man hu, Heroin gram 220 leh Crystal Methamphetamine gram 89 te hal ral a ni.  Vawiina ruihhlo hal ral takte hi case hrang hrang 7 atanga mante an ni a. He hunah hian Addl. SP Pu H. Lalduata, SDPO Pi Lalrinzuali leh Pu TC Lalropuia, Asst. Commissioner, Excise & Narcotics Department Serchhip te an tel a a ni.

Tunhnai fur ruah sur nasa leh leimin vangin Serchhip in tui lama harsatna kan tawk lova, hei hi a chhan ber chu hmun hrang hrangah Gravity Line hmanga PHE Department in tui an lak theih thin vang leh Serchhip mipuiin ruahtui tla lo khawl (Rain Water Harvesting) kan intihhmuh tak vang a ni.        Hemi chungchanga Serchhip Times palaiin a zawhna chhangin Sr. EE Pu Isaak Lalchhuanmawia, Serchhip PHE Watsan Division chuan Serchhip mipui chawmtu ber Tuikum lui hi fur ruahtui tam changa a nut lai hian kan pump lo a, hetihlai hian Gravity line hmanga hmun hrang hrangah tui thianghlim kan lak theih reng tho avangin tui sem turah buaina kan nei lem lova, tin, fur lai hi chuan Serchhip mipui tam tak hian ruahtui lakkhawl nachang kan hriat tawh avangin tui sem ngai hi thal lai aiin a hautak lova, chuvang chuan fur ruahtui tam leh tui nut lai pawhin Serchhip mipuiin tui thianghlim hnianghnar tak kan neih reng theih phah a ni a ti.     Sr. EE Pu Isaak La...

 * District Hospital sakna tur Sum PGCIL in Health Dept hlan tawh. * AUDITORIUM thiah chngchang ah UD&PA in PWD ah hlan thuai beisei Vawiin ni 9 July 2026 khan Sub Hqrs YMA Serchhip hruaitute chuan Pu Lalduhoma , Chief Minister leh Serchhip Bialtu MLA  chu a Office ah hmu in khawtlang mamawh thil chi hrang hrang an sawi pui a, CM hian an thil thlen hrang hrang te chu tha taka lo dawngsawngin hetiang hian a lo chhang; 1. Damdawiin sak mek bawhzuina chungchangah NGOCC ten Guwahati a Powergrid an dawr dan te an report a, chak zawka hmalak anih theih nana an ngenna chu CM chuansum chungchang ah Powergrid lam pawh in an tihfel tawh thu leh Health Department ah sum pawh a awm tawh thu te lo hrilh in a fel tep tawh an beisei thu a lo sawi. 2. Serchhip khawchhung lei  che thin chungchangah, CM chuan Geology and Mining lam be nghal in Chanmari, Darnam veng, Bazarhnuai leh Dinthar veng, Field venga lei che thin te chu zirchiang turin thurawn a pe a ni. 3. Serchhip Audit...